"A-A" MMC 2018-ci ildən qazma-daşınma və paralel olaraq bənd qurma fəaliyyəti ilə məşğuldur. Fəaliyyətimiz boyunca Gədəbəy qızıl mədəni, Ağdərə Dəmirli mis-molibden mədəni, Əhmədbəyli-Füzuli-Şuşa avtomobil yolu, Laçın Beynəlxalq Hava Limanı, Kəlbəcər-Laçın və Xudafərin-Qubadlı-Laçın avtomobil yolları layihələrini icra etmişik.

2018-ci ilin iyun ayından "Gədəbəy Qızıl Mədəni" ilə əməkdaşlıq edirik. Mədəndə qızıl və mis tərkibli xam dağ süxurları qazılaraq filiz meydançasına ay ərzində 370 000 ton daşınması tərəfimizdən həyata keçirilir — il ərzində 4 440 000 ton qeydə alınaraq qarşı tərəfə təhvil verilir.

2025-ci ildən "Azerbaijan International Mining Company Limited" şirkətinin Ağdərə rayonundakı Dəmirli Mis-Molibden Mədəni layihəsində ana şirkətin baş podratçısı qismində çalışırıq. Layihə üzrə 98 milyon ton filiz və boş süxurun daşınması nəzərdə tutulur; bu günədək 24 milyon ton icra edilmişdir. Layihədə 700-dən çox əməkdaşımız 24 saat fasiləsiz fəaliyyət göstərir.

"Azərbaycan İnterneyşnl Mayninq Kompani" Limited kimi beynəlxalq tərəfdaşlarla işləyirik və layihələri vaxtında, keyfiyyətlə təhvil veririk. Əhmədbəyli-Füzuli-Şuşa avtomobil yolunun bizə həvalə olunmuş hissəsi cəmi 6 ay ərzində uğurla təhvil verilmişdir.