Xudafərin-Qubadlı-Laçın avtomobil yolu

Yeni “Xudafərin-Qubadlı-Laçın” avtomobil yolunun 33-cü km-dən ayrılmaqla Laçın dəhlizinə kimi olan avtomobil yolu layihəsinin km 19+040 – km 23+320 aralıq hissəsində torpaq yatağının və süni qurğuların tikintisini həyata keçiririk.

Torpaq yatağının tikintisi zamanı aşağıdakı işlər yerinə yetirilir:

• Təhvil aldığımız təmizlənmiş ərazilərdə dağların layihə kodu səviyyəsinə şevləndirilərək pilləli şəkildə qazılması və pillələrdə V şəkilli arxların qazılıb betonlanması;
• Dərələrdə və çökəkliklərdə layihə kodu səviyyəsində dolğu işlərinin yerinə yetirilməsi;
• Sərt süxurlu dağların partladılaraq qazılması — şevlər qırıcı mexanizmlərlə işlənib layihə koduna gətirilir;
• Ərazidəki hər növ dəmir-beton işlərinin öz qüvvəmizlə yerinə yetirilməsi.

Hal-hazırda 2 ədəd 45 metr uzunluğunda, 1500 mm diametrində su ötürücü borunun tikilib quraşdırılmasını yerinə yetirmişik, geri dolğusunu edərək hərəkəti üzərindən buraxmışıq. Daha 2 yerdə diametri 1500 mm və 6 yerdə diametri 1000 mm olan su ötürücü boruların layihə üzrə tikintisi icra olunacaq. Həmçinin 59 metr uzunluğunda, eni və hündürlüyü 2 metr olan düzbucaqlı qoşa su ötürücünün tikintisini tamamlamışıq; daha bir yerdə 22 metr uzunluğunda düzbucaqlı su ötürücünün tikintisi həyata keçiriləcək.

2024-cü ilin yanvar ayından 2025-ci ilin mart ayına qədər 3 000 000 m³ qazma və 58 000 m³ dolğu işlərini yerinə yetirmişik — işlərimiz hazırda davam edir.